Kabisyo, naranasan mo na bang maging sikat? Naranasan mo na bang maging kontrobersyal? Naranasan mo na bang ma-bash sa social media?

Well, siguro naman nitong mga nakaraang linggo eh lalong naging sikat ang sikat nang si Kim Chiu! Bakit?

Hindi naman siguro lingid sa kaalaman ng lahat na noong May 5 ay naglabas ng cease-and-desist order ang National Telecommunications Commission (NTC) para sa broadcast network na ABS-CBN dahil sa napasong franchise nito.

Dahil sa pagsasara ng kanyang home network, hindi napigilan ni Kim ang kanyang saloobin tungkol dito. Pero may isang pumatok sa mga sinabi niya, “Sa classroom may batas, bawal lumabas, oh bawal lumabas. Pero ‘pag sinabi, ‘pag nag-comply ka na bawal na lumabas pero may ginawa ka sa pinagbabawal nila, inayos mo ‘yong law ng classroom niyo at sinumbit mo ulit ay pwede na pala ikaw lumabas.”

 Minuto lamang ang binilang para maglabasan ang mga basher ng mga artista pero namukod tanging napuruhan sa mga sinasabi ng mga basher si Coco Martin at si Kim. Maraming humanga, maraming nainis, maraming nanggaya, may mga gumawa ng kanta at kani-kanilang mga version.

Aminado naman si Kim sa katotohanang naapektuhan siya sa lahat ng ito. Sabi niya, “I was really down the past few days… But of course, pag may problema, hindi mo dapat tinatambayan, doon tayo dapat sa option na move forward.”

Dahil diyan, naging opportunity para kay Kim na mag-move on sa nangyari at sa mga sinabi ng mga bashers.

Nakipag-collaborate si Kim kay Adriana at kay DJ Squammy at mula doon sa viral statement niya ay nakabuo siya ng isang kanta na ang title ay “Bawal Lumabas: The Classroom Song.”

Ni-release ‘yan noong May 18, 2020.

“Things may put you down pero tayong mga Pilipino hindi natin nakakalimutan tumawa sa gitna ng pinagdadaanan natin. Mahilig tayong tumambay pero hindi sa problema. Salamat sa lahat ng nagbigay inspirasyon sa’kin. Let’s spread love, kindess and positivity. Good vibes lang ang pwede sa classroom! Tama? Tama!” Sabi ni Kim sa Instagram sa mismong araw ng release ng kanta.

And the rest is history.