Bago naging solo artist, si Kaye Cal ang lead singer ng Ezra band na naging grand finalist sa first season ng talent competition na Pilipinas Got Talent. Nailabas niya ang mga kantang tulad ng ‘Why Can’t It Be,’ ‘Kung Ako Na Lang Sana,’ at ‘Isang Araw.’

Panibagong single na naman ang hatid niya na pinamagatang ‘Heto Pa Rin Ako.’ Tungkol daw ito sa sitwasyon kung saan kahit hindi pa handa ang isang tao ay kailangan niya nang magpalaya.

Sinabi niya rin kay Robin Sienna kung ano ang gagawin niya sa loob ng isang linggo kung sakaling magkaroon ng million dollars, kung ano ang gusto niyang makita sa hinaharap, kung ano ang bagay na nagpapasabik sa kaniya sa araw-araw, at marami pang iba.